Россия томонидан Қирғизистон қуролли кучларига тақдим этилган Ан-26 ҳарбий-транспорт самолётлари жанговар ҳаракатларни амалга оширишда ёрдам беради. Бу ҳақда 10 август, пайшанба куни иккита Ан-26 самолётларини топшириш маросимида қатнашган Қирғизистон Қуролли кучларининг бош штаби раиси Райимберди Дуйшенбиев маълум қилди, деб хабар берди «ТАСС».
«Иккита самолёт ёрдамида бизнинг қуролли кучларимиз юкларни, шахсий таркибни, шунингдек, десантларни ташлашни, ташишни амалга ошириш мумкин», — деди Дуйшенбиев. Унинг сўзларига кўра, икки мамлакат ўртасидаги ҳарбий-техник ҳамкорлик ўзининг «кўп қирралилиги ва самаралилиги билан ажралиб туради».
Бош штаб раҳбарининг фикрича, ҳамкорлик йўналишига Қирғизистон ҳудудида Россия ҳарбий базасининг, жумладан, Кантда авиабазанинг жойлашганлиги асос бўлиб хизмат қилмоқда.
Изоҳ (0)