Қорақалпоғистонда гўштни 25–28 минг сўмдан сотаётган 35 тадбиркорга молиявий жарималар қўлланилди

Қорақалпоғистонда гўштни 25–28 минг сўмдан сотаётган 35 тадбиркорга молиявий жарималар қўлланилди. Бу ҳақда «KRuz.uz» хабар бермоқда.

«Қорақалпоғистондаги барча бозорлар ҳудудидаги гўшт ва гўшт маҳсулотлари билан савдо-сотиқ фаолиятини амалга ошираётган тадбиркорлар томонидан нархларни сунъий равишда ошириб турганларини аниқлаш мақсадида олиб борилган назорат тадбирларида гўшт маҳсулотлари нархларини сунъий равишда оширган 35 тадбиркор томонидан 1 килограмм гўшт маҳсулотининг нархи 22 минг сўм деб кўрсатилишига қарамасдан, 25–28 минг сўм нархда сотиб турганлиги аниқланиб, тегишли тартибда ҳужжатлар расмийлаштирилиб, тўпланган ҳужжатларга асосан ушбу тадбиркорлик субъектларига 157,29 миллион сўм молиявий жарималар қўлланилди ва 12 ҳолатда белгиланган тартибда давлат рўйхатидан ўтмасдан фаолият юритаётганлиги аниқланиб, савдога чиқарилган 3,8 миллион сўмлик гўшт маҳсулотлари олинди ва арзон нархларда аҳолига сотилиши ташкил этилди», — дейилади хабарномада.

Илгарироқ Нукусда гўшт 24 минг сўмдан сотилиши белгилангани хабар қилинган эди.