Бабаян Туркияга 20 футболчи олиб кетади. Таркибда «Пахтакор»га ўтган Элдор Суюнов йўқ

Ўзбекистон миллий терма жамоаси июль ойининг ўртасида Австрияга жўнат кетиши режалаштирилган бўлиб, сафарга бир ҳафтадан камроқ вақт қолганида бош мураббий Самвел Бабаян режасини ўзгартириб, манзилни Туркия томон бурганди.

ЎФФ расмий сайти Туркияга йўл оладиган 20 нафар футболчи номига ойдинлик киритди. Улар 17 июль куни Тошкентдан жўнаб кетади ва 24 июлга қадар Самвел Бабаян ихтиёрида бўлади. Йиғин Истанбул яқинида олиб борилади.

Таркиб

Дарвозабонлар

• Александр Лобанов — «Пахтакор»
• Игнатий Нестеров — «Локомотив»

Ҳимоячилар

• Александр Мерзляков — «Қўқон-1912»
• Даврон Ҳошимов — «Пахтакор»
• Фаррух Сайфиев — «Насаф»
• Шерзод Аъзамов — «Пахтакор»
• Мурод Холмуҳаммедов — «Қўқон-1912»
• Акмал Шораҳмедов — «Насаф»
• Владимир Козак — «Пахтакор»

Ярим ҳимоячилар

• Суҳроб Бердиев — «Қўқон-1912»
• Саламат Қуттибоев — «Локомотив»
• Даврон Умиров — «Бунёдкор»
• Отабек Шукуров — «Бунёдкор»
• Жалолиддин Машарипов — «Локомотив»
• Мурод Тошматов — «Металлург»
• Сардор Мирзаев — «Локомотив»
• Баҳром Абдураҳимов — «Насаф»
• Эркин Бойдуллаев — «Қизилқум»

Ҳужумчилар

• Игорь Сергеев — «Пахтакор»
• Шоҳруз Норхонов — «Бунёдкор»

Йиғин ФИФА кунларидан ташқарида ўтаётгани учун терма жамоанинг асоси ҳисобланган легионер футболчилар унда иштирок этмайди. Шунингдек, Марат Бикмаев, Ислом Тўхтахўжаев, Достон Ҳамдамов, Рустам Ашурматов, Жамшид Искандаров каби футболчилар жароҳати сабаб йиғинга жалб этилмаган. Бу футболчилар орасида Станислав Андреевнинг номи кўрсатилмаган.