Бекобод туманида алкоголь ичимлик таъсиридаги ота ўз ўглини пичоқлаб қўйди. Бу ҳақда Тошкент вилояти ИИБ маълум қилди.
3 июль соат 00:10 да Бекобод туман Хос фермерлар уюшмасида яшовчи 1954 йилда туғилган нафақахўр, муқаддам судланган А.Б. маст ҳолда ўғли, вақтинча ишсиз 1995 йилда туғилган Ш.Б.нинг уйга кеч келганлиги сабабли у билан ўзаро жанжаллашган. Жанжал устига А.Б.нинг қўшниси Х.У. чиқиб, уларни ажратиб, А.Б.ни уйига олиб чиқиб кетган.
Шу куни соат 04.00 да А.Б. ўзининг уйига қайтиб келиб, ҳовлидаги супада ухлаб ётган ўғли Ш.Б.ни ўлдириш мақсадида дастасиз пичоқ билан унинг ўнг кўкрак қафасига бир маротаба санчиб тан жароҳати етказган.
Ш.Б. олган тан жароҳати билан касалхонага ётқизилган.
Изоҳ (0)