АҚШ президенти Дональд Трамп камёб генетик хасталикка чалинган британиялик 10 ойли чақалоққа ёрдам кўрсатишга тайёрлигини билдирди. Шифокорлар бу болакайни умидсиз деб баҳолаб, ҳаётни қўллаб-қувватлаш тизимларидан ўчириб қўйишга тайёрланмоқда, деб хабар беради «ТАСС».
«АҚШ Чарли Гардга бирор нима билан ёрдам бера олади ва бундан жуда хурсанд бўлади», — деб ёзди президент Twitter’даги саҳифасида.
Чарли Гард ДНКнинг митохондриал етишмовчилиги синдроми билан хасталанган. Унинг мушаклари ва бош мияси зарарланган. Бола касалликнинг охирги босқичида, шу боис Грэйт-Осмонд-Стрит шифохонаси ходимлари унга ёрдам бериб бўлмайди деб ҳисобламоқда ва бола тинч ўлим топиши учун уни ҳаёт таъминоти тизимларидан узиб қўйишга чақирмоқда.
Изоҳ (0)