Россия мезбонлигида ўтаётган Конфедерациялар кубогининг финалида Чили ва Германия терма жамоалари тўп суради.
Ярим финалнинг биринчи ўйинида чилилик футболчилар Португалияни пенальтилар сериясига кўра мағлуб этганди. Жаҳоннинг амалдаги чемпиони Германия эса Мексика устидан йирик ғалабага эришди.
Беллашувнинг дастлабки 10 дақиқасидаёқ Леон Горецка дубл қайд этиб, немислар ғалабасига шубҳа қолдирмаганди. Иккинчи бўлимда Иохим Лёв жамоасини йирик ғалабани таъминлади.
Германия терма жамоаси ўйиндан ўйинга кучайиб бораётганини кўриш мумкин. Аввалига Осиё етакчиси сифатида Россияга ташриф буюрган Австралия немислар дарвозасига икки бор йўл топишга муваффақ бўлганди — 3:2. Кейинроқ Чилига қарши ўйин 1:1 ҳисобида якунланди ва гуруҳдаги сўнгги учрашувда Камерун таслим этилди — 3:1. Ўз гуруҳида 7 очко жамғарган Мексика постининг тўрт бор ишғол этилиши, юқоридаги фикрга исбот бўлиши мумкин.
Маълумот учун, Чили ва Германия термаларининг гуруҳ босқичидаги ўйинида Алексис Санчес ҳисобни очган, немислар 41-дақиқада Ларс Штиндлнинг голи билан мағлубиятдан қутулиб қолганди.
Конфедерациялар кубогининг финал учрашуви 2 июль куни Санкт-Петербург шаҳрида бўлиб ўтади. Пойтахт Москвада шу куни Португалия ва Мексика термалари мусобақанинг 3-ўрин соҳибини аниқлаб бериш учун майдонга чиқади.
Конфедерациялар кубоги Ярим финал 29 июнь, чоршанба