Қозоғистон пойтахти Остонадаги EXPO-2017 халқаро кўргазмасининг илк кунларидаёқ Ўзбекистон павильони энг кўп ташриф буюрилган павильонлар ўнлигига кирди. Бу ҳақда маҳаллий ОАВлар хабар берди. Вакилларимиз сўзларига кўра, икки ҳафта ичида ўзбек экспозициясини 100 мингдан зиёд киши томоша қилган.
Биринчи навбатда, нанотехнологиялар қўлланган ишланмалар қизиқиш уйғотди. Булар электромобиль, биоёқилғи ва водородда юрувчи автомобиллар, экокапсула, ўз-ўзини қувватловчи смартфон ва бошқалар. «Дарё» вакилининг турли мамлакатлардан келган суҳбатдошлари таъкидлаганидек, Ўзбекистон павильони ўзининг кутилмаган таклифлари билан ҳайратда қолдирган.
Эслатиб ўтамиз, EXPO-2017 халқаро кўргазмасининг тантанали очилиш маросими 9 июнь куни бўлиб ўтган эди. Маросимда Ўзбекистон Республикаси Президенти Шавкат Мирзиёев иштирок этди.
Кейинроқ EXPO-2017 кўргазмасининг Ўзбекистон павильонида қуёш батареясида ишловчи биомобиль тақдим этилгани, унинг бир қувватлантирилиши 700 километр масофа босиб ўтишга етиши хабар берилган эди.
Изоҳ (0)