АҚШ президенти Дональд Трамп 1 июнь, пайшанба куни унинг мамлакати Иқлим бўйича Париж келишувидан чиқишини эълон қилди. Бу ҳақда Reuters агентлиги хабар бермоқда.
«Биз келишувдан чиқамиз», — деди Трамп Оқ уйдаги Пушти боғдаги маросимда. У Париж битими мамлакатга юклайдиган «шафқатсиз» иқтисодий ва молиявий мажбуриятни қоралади.
«Америка ва унинг фуқароларини ҳимоя қилишдек шарафли бурчимни бажаришим учун Қўшма Штатлар Иқлим бўйича Париж келишувидан чиқади», — дея қўшимча қилди Трамп.
«Париж битими шартларини бажариш 2025 йилга келиб Америкага 2,7 миллион йўқотилган иш ўрнига тенг келиши мумкин», — деди у.
Шу билан бирга у Қўшма Штатлар Париж битимига қайта қўшилиш бўйича музокараларни бошлаши ёки Қўшма Штатлар, унинг ташкилотлари, ишчилари, одамлари ва солиқ тўловчилари учун адолатли шартлар асосида янги битим тузиши мумкинлигини қўшимча қилди.
Изоҳ (0)