АҚШ Россия дипломатик мулкини дахлсизлик ҳуқуқисиз қайтариши мумкин

АҚШ президенти Дональд Трамп маъмурияти Россияга аввалроқ хатлаб қўйилган дипломатик мулкини қайтариш масаласини ўрганиш давомида ушбу биноларни дипломатик дахлсизликдан маҳрум қилиш эҳтимолини кўриб чиқмоқда. Бу ҳақда Washington Post нашри вазият билан таниш манбаларига таяниб, хабар бермоқда, деб ёзади «РИА Новости».

«Русларга бинони яна банд қилишга рухсат бериш юзасидан якуний қарор қабул қилишдан аввал маъмурият россияликларнинг бино ичкарисидаги фаолияти бўйича чекловлар, жумладан, бинони дипломатик дахлсизликдан маҳрум қилиш эҳтимолини ўрганмоқда», — деб ёзади газета.

Нашрнинг маълум қилишича, агар бинолар дахлсизлигини йўқоца, улар одатий бинолар ҳисобланади ва Америка ҳуқуқ-тартибот органлари у ерга кириш ҳуқуқига эга бўлади.