Ҳиндистон суди сигирни ўлдирганлик учун умрбод қамоқ жазоси жорий қилмоқчи

Ҳиндистоннинг Ражастҳан штати юқори суди ўз қарорида сигирни ўлдирганлик учун жазони оғирлаштириб, уч йилликдан умрбод қамоқ жазосигача белгилашни тавсия қилди. Бу ҳақда «ТАСС» хабар бермоқда.

Ҳиндистон олий суди мазкур қарорга ўз муносабатини билдириши қарорнинг кейинги тақдирини белгилаб беради.

Охирги пайтларда мамлакатнинг барча ҳудудларида «сигирлар ҳимоячилари» отрядлари пайдо бўлган. Улар ҳинд динида муқаддас саналувчи сигирларни ўлдирганларни калтаклайди ва ҳатто ўлдириши мумкин. Ҳукумат бундай ҳолатларнинг олдини олиш учун сигирларни ўлдирганларни давлат томонидан қаттиқ жазоланишини таъминлашга уринмоқда.