Тошкент яқинидаги тоғда ўтган дам олиш кунлари Франциянинг Ўзбекистондаги элчихонаси хавфсизлик хизмати раҳбари парапланда учаётиб, ҳалок бўлди. Бу ҳақда «РИА Новости» хабар бермоқда.
Франция элчихонаси «Дарё» нашрига берган изоҳида ўз ходими, Франция фуқароси Чимёнда ҳалок бўлганини тасдиқлади.
Элчихона сайтида ёзилишича, марҳум майор Франсис Делег тезкор хавфсизлик хизматининг минтақавий раҳбари бўлган.
Элчихона ходимининг жасади ҳозирча Тошкентда бўлиб, айни пайтда уни ватанига етказиш масаласи муҳокама қилинмоқда.
Изоҳ (0)