Евроиттифоқ Сурияга қарши санкцияларни узайтирди

Европа Иттифоқи Сурия ҳукуматига қарши санкцияларни яна бир йилга узайтирди. Бу ҳақда, ташкилот матбуот хизматига асосланиб, «ТАСС» хабар бермоқда.

«2017 йил 29 майда Кенгаш Евроиттифоқнинг Сурия режимига қарши чеклов чораларини 2018 йил 1 июнга қадар узайтирди», — дейилади хабарномада.

Бундан ташқари, маълум қилинишича, қора рўйхатга Сурия ҳукуматининг яна уч аъзоси — уч вазир қўшилган.