Самарқанд вилоятидаги таълим муассасалари, маҳаллаларда Ўзбекистон Президенти Шавкат Мирзиёевнинг «Буюк келажагимизни мард ва олижаноб халқимиз билан бирга қурамиз» номли китобини ўрганишга бағишланган тарғибот тадбирлари ўтказилмоқда, деб хабар беради ЎзА.
Ўзбекистон Республикаси Маданият вазирлиги, Олий ва ўрта махсус, Халқ таълими вазирликлари, Ёзувчилар уюшмаси, Маънавият тарғибот маркази ва бошқа ташкилотлар ҳамкорлигида ташкил этилаётган тадбирларда китобда илгари сурилган ғоялар, давлат ва жамият ҳаётини янгилаш билан боғлиқ вазифалар ҳақида ҳаётий мисоллар асосида сўз юритилмоқда.
Нарпай туманидаги Оқтош тадбиркорлик ва сервис касб-ҳунар коллежида ташкил этилган учрашувда ҳудуддаги маҳаллалар вакиллари, ўқитувчи ва ўқувчилар қатнашди.
«Таниқли адиблар, маданият ва санъат намояндалари, профессор-ўқитувчилардан иборат тарғибот гуруҳи аъзолари юртимизда инсон манфаатлари йўлида амалга оширилаётган ислоҳотлар самаралари, шаҳар ва қишлоқларимиздаги бунёдкорлик жараёнлари, ёшлар, хотин-қизлар манфаатларини ҳимоя қилиш борасида олиб борилаётган ишлар ҳақида маълумот берди. Бу борада давлатимиз раҳбари китобида белгилаб берилган устувор вазифалар юзасидан мулоҳазалар билдирилди», — дейилади ЎзА хабарида.
Изоҳ (0)