Хитой полицияси бундан 23 йил аввал марказий Хубэй провинциясидаги қадимги қабрни талон-торож қилишда гумондор шахсни қўлга олди. Бу ҳақда провинция жамоат хавфсизлиги бошқармаси маълум қилди, деб хабар бермоқда «ТАСС».
Полиция ходимлари май ойида гумондор шахс Ли Ихайнинг қаерда эканлигини аниқлади. Гумондор ўтган ҳафтада Хайнань провинциясида ҳибсга олинди.
Ли Ихай 1994 йил март ойида Хубэй провинциясининг Цзишань уездидаги 300 та қадимги қабрдан бирини тунашда иштирок этганликда гумон қилинган эди. Қабрдан аёл жасади қолдиқлари ва бошқа муҳим артефактлар ўғирланган эди.
Туналган қабр 2,4 минг йиллик тарихга эга бўлган.
Полиция жами 23 нафар гумондор шахсни ҳибсга олиб, ўғирланган 20 та қимматли буюмни қайтаришга муваффақ бўлди. Бироқ Ли Ихай 23 йилдан бери бекиниб юрган эди.