КХДР ғарбий соҳил яқинида номаълум турдаги реактив снарядни учирди. Бу ҳақда, Жанубий кореялик ҳарбийларга таяниб, Reuters агентлиги хабар бермоқда, деб ёзади «РИА Новости».
Учирилган снаряд баллистик ракета бўлиши мумкинлиги маълум қилинмоқда.
Ўз навбатида, «Рёнхап» агентлигининг Жанубий Корея штаблар раҳбарлари бирлашган қўмитасига таяниб хабар беришича, КХДР 4 май, пайшанба куни янги синов доирасида баллистик ракета учирганлиги тахмин қилинмоқда.
«Шимолий Корея бугун тонгда Пхёнан-Пукто провинцияси Кусон уезди ҳудудидан номаълум турдаги ракета парвозини амалга оширди», — дейилади Корея Республикаси қуролли кучлари штаблар раҳбарлари бирлашган қўмитаси хабарида.
Япония расмийлари Шимолий Корея ракетаси тахминан 30 дақиқа учиб, Япония махсус иқтисодий зонасига етмасдан Япон денгизига қулаганлигини таъкидламоқда.
Изоҳ (0)