ИШИД террорчи гуруҳи аъзолари 2 май, сешанба куни Сурия шимоли-шарқидаги Ражм-ас-Салиби аҳоли яшаш пунктида яшовчи қочоқлар лагерига ҳужум қилди. Ҳужум оқибатида 46 киши, жумладан, «Сурия демократик кучлари»нинг 15 нафар курд жангариси ҳалон бўлди. Бу ҳақда Daily Star’га асосланиб, «ТАСС» хабар бермоқда.
Қолган қурбонлар – тинч аҳоли ва асосан аёллар ва болалар экани таъкидланди. Ўнлаб одамлар жароҳат олди. Курдистон ҳарбий вакили Ридор Ҳалилнинг айтишича, ҳужумда жангари-худкушлар иштирок этиб, улар ўзини «Сурия демократик кучлари» блокпости яқинида портлатди.
Шундан кейин террорчилар лагерга бостириб кириб, қуролсиз одамларни ўлдирди ҳамда бир гуруҳ одамларни гаровга олиб қочди. «Сурия демократик кучлари» бўлинмаси ҳужумни уюштирган ИШИДнинг тўдасини қидирмоқда.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
«Дарё»нинг Telegram’даги расмий канали — @toshqindaryo’га аъзо бўлинг!