Тошкентда ўтказилган «Саломатлик сари» марафонида 4 мингдан ортиқ киши қатнашди

Ўзбекистонда 29 апрель куни «Саломатлик сари» оммавий югуриш тадбирлари ўтказилди, дея хабар бермоқда ЎзА.

Ўзбекистон Касаба уюшмалари федерацияси ташаббуси билан қатор давлат ва жамоат ташкилотлари ҳамкорлигида ташкил этилган акцияда 35 мингга яқин турли соҳа ходимлари, фахрийлар, хотин-қизлар, ёшлар иштирок этди.

«Тадбирнинг Тошкент шаҳрида бўлиб ўтган мусобақаларида 4 мингдан ортиқ иштирокчи ўз шижоати, иродаси, матонати ва тезкорлигини намоён қилди», — дейилади ЎзА ахборотида.

Мусобақа ғолиб ва совриндорлари ташкилотчилар томонидан муносиб тақдирланди. Тадбир қатнашчилари «Энг ёши улуғ иштирокчи», «Энг ёш иштирокчи», «Ғалабага бўлган интилиши учун» сингари турли номинациялар бўйича ҳам рағбатлантирилди.

«Дарё»нинг Telegram’даги расмий канали — @toshqindaryo’га аъзо бўлинг!