Рақобат қўмитаси раиси Даврон Ҳидоятов Чилонзор туманига ҳоким этиб тайинланди

Тошкент шаҳрининг Чилонзор туманига Даврон Ҳидоятов ҳоким этиб тайинланди. Бу ҳақда Тошкент шаҳар ҳокимлиги сайтида маълум қилинди.

Президент Шавкат Мирзиёев Чилонзор туманига ташриф буюрганидан сўнг туман ҳокими Тоҳир Мирҳидоятов эгаллаб турган вазифасидан озод этилган, вақтинчалик ҳоким вазифасини унинг биринчи ўринбосари Баҳром Каримов бажараётганди.

Даврон Ҳидоятовнинг таржимаи ҳоли

1976 йил 11 декабрда туғилган. Миллати: ўзбек.

Маълумоти олий, 1998 йилда Тошкент давлат иқтисодиёт университетини — халқаро иқтисодий алоқалар мутахассислиги бўйича ва 2001 йилда Банк-молия академиясини — банк иши мутахассислиги бўйича тамомлаган.

Меҳнат фаолияти

1996—2004 йиллар мобайнида Ўзбекистон Республикаси Марказий банки тизимида ишлаган.

2004—2005 йилларда — «Азия-инвест-банк» АТБ бошқарув раиси (Москва ш.).

2009—2012 йилларда General Motors ЁАЖ молия масалалари бўйича ижрочи директори.

2012—2014 йилларда — JV MAN Auto-Uzbekistan бош директори.

2014—2017 йилларда Хусусийлаштириш, монополиядан чиқариш ва рақобатни ривожлантириш давлат қўмитаси раиси лавозимида ишлаган. «Дарё»нинг Telegram’даги расмий канали — @toshqindaryo’га аъзо бўлинг!