Буюк Британиянинг Евроиттифоқдан чиқиш жараёни расман бошлаб берилгани сабабли фунт стерлинг доллар ва иенага нисбатан пасайишда давом этмоқда. Бу ҳақда «Интерфакс» хабар берди.
Фунт стерлинг курси 0,5 фоизга, 1,2394 долларгача пасайди. Олдинроқ у 21 январдан бери кузатилган минимум — 1,2385 долларгача тушганди.
Япония валютасига нисбатан ҳам фунт 0,5 фоиз йўқотди: курс 17 январдан кейинги минимум — 137,7 иенани ташкил этди.
Эслатиб ўтамиз, Буюк Британия бош вазири Тереза Мэй 28 март, сешанба куни Евроиттифоқ ҳукуматини мамлакатнинг Европа Иттифоқи таркибидан чиқиш жараёни расман бошланганлиги ҳақида хабардор этувчи мактубни имзолади. «Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)