29 ёшда Германиянинг энг яхши мураббийи бўлиш уддаласа бўладиган ишга айланди

Германиянинг «Хоффенхайм» жамоаси бош мураббийи — 29 ёшли Юлиан Нагельсманн Германия футбол иттифоқи талқини бўйича 2016 йилнинг энг яхши мураббийи деб топилди. Бу ҳақда «Sports.ru» хабар бермоқда.

2016 йилнинг февраль ойида Нагельсманн 28 ёшида «Хоффенхайм»ни ўз бошқарувига олди ва Бундеслига тарихидаги энг ёш бош мураббийга айланди.

Ўтган мавсумда Зинсхайм шаҳри жамоаси 15-ўринни эгаллаб, Бундеслигада жон сақлаб қолганди. Айни вақтда жамоа 45 очко билан турнир жадвалида 4-ўринда бормоқда. Ҳисобида 62 очко бўлган «Бавария» биринчи, «Лейпциг» (49 очко) ва «Боруссия Дортмунд» (46 очко) мос равишда 2–3-ўринларда бормоқда.

Мураббийлик фаолиятимнинг бошланғич даврида қўлга киритилган ушбу соврин менга илҳом келтириб, олдинга интилишга ундайди.

Юлиан Нагельсманн, «Хоффенхайм» бош мураббийи

Қайд этиш керакки, «Хоффенхайм» сентябрь ойида бошланган 2016/17 йилги мавсумнинг 2017 йил январь якунига қадар мағлубият нима эканини билмай келаётганди.

«Дарё»нинг Telegram’даги расмий канали — @toshqindaryo’га аъзо бўлинг!