Somon Air авиакомпанияси «Душанбе—Тошкент» рейсини амалга ошириш учун «тегишли расмиятчилик ишларини бажармагани, зарур ҳужжатларни жўнатмагани» учун 20 февралга белгиланган рейс амалга ошмаган. Бу ҳақда, «Ўзбекистон ҳаво йўллари» миллий авиакомпанияси матбуот хизматига асосланиб, «Кун» хабар бермоқда.«Ўзбекистон ҳаво йўллари» матбуот хизмати раҳбарининг «Кун»га берган ахборотида Тошкент аэропорти Душанбедан келадиган рейсни қабул қилишга тайёр эмаслиги ҳақидаги тахминларни, Ўзбекистон томони бу рейсни «асоссиз равишда тақиқлаб қўйгани» ҳақидаги хабарларни инкор қилган.

«Яқин вақт ичида ‘Ўзбекистон ҳаво йўллари’ матбуот хизмати бу борада расмий изоҳ беради», — дейилади «Кун» хабарида. Ушбу хабар тайёрланаётган вақтда, «Ўзбекистон ҳаво йўллари» вазият юзасидан ҳеч қандай изоҳ бермаган эди.

20 февраль куни «Душанбе—Тошкент» йўналиши бўйлаб биринчи мунтазам авиақатнов амалга оширилиши режалаштирилган эди, бироқ Somon Air бу рейсни бекор қилди.

Аввалроқ, 10 февраль куни Somon Air Тошкентга техник рейсни амалга оширган, бу икки мамлакат ўртасида сўнгги 25 йилда амалга оширилган илк авиақатнов сифатида эътироф этилган эди.

«Дарё»нинг Telegram’даги расмий канали — @toshqindaryo’га аъзо бўлинг!