Қорақалпоғистон Республикаси 1-сил касалликларига қарши курашиш диспансерида замонавий тиббиёт ускуналари билан жиҳозланган янги лаборатория фойдаланишга топширилди. Бу ҳақда «KRuz.uz» хабар бермоқда.

Илгари сил касаллигини даволашда асосан кўкрак рентгенографияси ва биоматериал сурмаси таҳлили натижасидан фойдаланилар эди. Бу усул сил таёқчаларининг дори сезувчанлигини аниқлаш имконига эга эмасди. Лабораториямизга ўрнатилган Европа андозаларидаги Гене-Хперт, НАИН, МГИТ, ЭРБА каби замонавий ускуналарда сил таёқчаларининг дориларга сезувчанлигини икки соат ичида аниқлаш мумкин. Натижада, беморларга тез ва тўғри ташхис қўйилиб, эмлаш режими амалга оширилади.

Б.Халмуратов, лаборатория раҳбари 

Тадбир иштирокчилари янги лабораторияда яратилган шарт-шароитлар, шунингдек, халқаро ташкилотлар билан ҳамкорликда амалга оширилаётган TB-PRACTEKAL клиник тадқиқот йўналиши лойиҳасига кўра 2-сонли республика сил касалликларига қарши курашиш диспансерида фойдаланишга топширилган 30 ўринга эга янги даволаш бўлими фаолияти билан яқиндан танишди.

«Дарё»нинг Telegram’даги расмий канали — @toshqindaryo’га аъзо бўлинг!