«Ливерпуль» такрорий ўйинда ҳам «Саутгемптон»дан енгилиб, Англия лига кубогининг финалидан қуруқ қолди
Тахминлар ўзини оқламади: Юрген Клопп бошчилик қиладиган «Ливерпуль» футбол клуби Англия лига кубогининг финалида тўп суриш бахтидан мосуво бўлди.
«Энфилд»да «Саутгемптон» футболчиларини қабул қилган «Ливерпуль» сафардаги ўйинда бўлгани каби 0:1 ҳисобида имкониятни бой берди. «Сент Мерис» стадионида учрашув тақдирини ҳал қилган ягона гол Нейтан Редмонд томонидан 20-дақиқада урилган бўлса, «Ливерпуль» майдонидаги ўйинда Шейн Лонг «Саутгемптон»ни финал сари етаклаган голга муаллифлик қилди. Бу пайтда беллашувнинг 90-дақиқаси ўтиб бораётганди.
Бугун — 26 январь куни ярим финалнинг иккинчи учрашуви бўлиб ўтади ва унда «Манчестер Юнайтед» футболчилари «Халл Сити» майдонида саф тортади. Томонларнинг «Олд Траффорд»да кечган ўйини «қизил иблислар»нинг 2:0 ҳисобидаги ғалабаси билан якунига етганди.
Англия лига кубоги Ярим финал 25 январь, чоршанба
«Ливерпуль» — «Саутгемптон» 0:1
Гол: Шейн Лонг, 90+1 (0:1).Дастлабки учрашув: 0:126 январь, пайшанба«Халл Сити» — «Манчестер Юнайтед»Дастлабки учрашув: 0:2
