Туркия президенти Ражаб Тоййиб Эрдўғон Истанбулдаги терактлар туфайли 11—12 декабрь кунлари Қозоғистонга режалаштирилган ташрифини бекор қилди. Бу ҳақда, Haber Turk манбаларига таяниб, «ТАСС» хабар бермоқда.
Газетага кўра, ташриф бошқа вақтга қолдирилган, бироқ аниқ сана ҳали белгиланмаган. Эрдўғонни президент Нурсултон Назарбоев таклиф этган, «юзма-юз ва делегациялар таркибидаги музокаралар» ўтказилиши мўлжалланганди.
Шунингдек, томонлар 2017 йили Туркияда бўлиб ўтадиган олий даражадаги ҳамкорлик кенгашининг учинчи йиғилиши ўтказилишига тайёргарликни муҳокама этиши кутилганди.
Маълумот учун, Эрдўғон Қозоғистонга охирги марта 2015 йил апрелида келганди.
Изоҳ (0)