Ўзбекистонда 2017 йил Халқ билан мулоқот ва инсон манфаатлари йили деб эълон қилинди. Бу ҳақда «Газета.uz» хабар бермоқда.
«Газета.uz» манбаларининг маълум қилишича, бу таклиф Ўзбекистон Конституцияси қабул қилинганининг 24 йиллигига бағишланган тантанали йиғилиш вақтида Ўзбекистоннинг сайланган Президенти Шавкат Мирзиёев томонидан билдирилган.
Ўзбекистонда 1997 йилдан бери ҳар бир йилни маълум бир соҳага бағишлаш анъанага айланган (1996 йил Амир Темур йили деб эълон қилинган). Якунига етиб бораётган 2016 йил Соғлом она ва бола йили деб эълон қилинган эди.
- 2016 йил — Соғлом она ва бола йили
- 2015 йил — Кексаларни эъзозлаш йили
- 2014 йил — Соғлом бола йили
- 2013 йил — Обод турмуш йили
- 2012 йил — Мустаҳкам оила йили
- 2011 йил — Кичик бизнес ва хусусий тадбиркорлик йили
- 2010 йил — Баркамол авлод йили
- 2009 йил — Қишлоқ тараққиёти ва фаровонлиги йили
- 2008 йил — Ёшлар йили
- 2007 йил — Ижтимоий ҳимоя йили
- 2006 йил — Ҳомийлар ва шифокорлар йили
- 2005 йил — Сиҳат-саломатлик йили
- 2004 йил — Меҳр ва мурувват йили
- 2003 йил — Обод маҳалла йили
- 2002 йил — Қарияларни қадрлаш йили
- 2001 йил — Оналар ва болалар йили
- 2000 йил — Соғлом авлод йили
- 1999 йил — Аёллар йили
- 1998 йил — Оила йили
- 1997 йил — Инсон манфаатлари йили
Изоҳ (0)