Алеппо шаҳрида яна 10 та квартал озод қилинди

Алеппо шаҳрининг шарқий қисмида Сурия ҳукумат қўшинлари яна ўнта квартални жангарилардан тозалади. Россия душман тарафларни яраштириш маркази ахборотига кўра, айни пайтда шарқий Алеппонинг 45 квартали армия назорати остида, деб хабар беради «Коммерсант.ru».

Бир муддат илгари жангарилар Алеппо шимоли-шарқидаги қадимий кварталларни махсус коридор орқали тарк этиб, шаҳарнинг жанубий туманларида ўрнашгани маълум бўлган эди.