Барпо этиш учун 2,7 миллиард доллар сарфланган АҚШ Ҳарбий-денгиз кучларининг энг янги атом сувости кемаси расман USS Colorado номини олди, деб ёзади «ТАСС».
Кемага ном бериш маросими 3 декабрь, шанба куни Гротондаги (Коннектикут штати) ҳарбий верфда бўлиб ўтди.
Анъанага кўра, сувости кемасининг бурун қисмига шампан шишасини уриб синдириш ҳуқуқи АҚШ Ҳарбий-денгиз кучлари вазири Рей Мабуснинг қизи Эннига тақдим этилди.
Virginia кўп мақсадли сувости кемалари турига тааллуқли бўлган USS Colorado’нинг қурилиши 2012 йилнинг мартида бошлаган эди. У Америка Ҳарбий-денгиз кучлари ихтиёрига келгуси йилнинг сентябрида расман топширилиши керак.
Кема General Dynamics Electric Boat кемасозлик корхонаси томонидан қурилган. Узунлиги 115 метр атрофида бўлган USS Colorado 134 нафаргача экипаж аъзосини ўзига сиғдириб, бортида Tomahawk юқори аниқликдаги, узоқ масофага учувчи қанотли ракеталарни ташишга қодир.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)