25 ноябрнинг эътиборга молик янгиликлари — «Дарё»нинг кечки дайжестида.

1. Ўзбекистонда биринчи марта Республика босқичида «Роботлар жанги» мусобақаси ўтказилади. Унда исталган ёш ва касбдаги кишилар қатнашиши мумкин.

2. Ягона порталда энди электрон рақамли имзо талаб қилинмайди. Ягона портал орқали нафақат ариза қолдириш, балки давлат органлари раҳбарлари қабулига ҳам ёзилиш мумкин.

3. Австралия разведкаси ИШИДнинг энг хавфли террорчиларидан бири ҳибсга олинганини тасдиқлади. Мельбурнлик Нил Пракаш яқин вақтларгача Австралияда энг кўп қидирилган террорчилардан бири бўлиб келган.

4. Луиш Фигунинг Мадриддаги уйидан қиймати 500 минг еврога тенг қимматбаҳо буюмлар ўғирланди. Тунаб кетилган нарсалар орасида 15 та соат ва заргарлик буюмлари бўлган.

5. Британиялик эркак вазн ташлагани учун миллион доллар ютиб олди. Унинг вазни бир ярим ойда 115 килограммдан 103 килограммга тушди.

Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.