Россия фуқаролигини олган Голливуд актёри Стивен Сигал Москвага боришни режалаштирмоқда

3 ноябрь, пайшанба куни Россия фуқаролигини олган америкалик актёр Стивен Сигал яқин кунларда Москвага боришни режалаштирмоқда. Бу ҳақда унинг ёрдамчиси Ирина «ТАСС»га маълум қилди.

Стивен Сигал ёрдамчисининг маълум қилишича, айни дамда актёр АҚШ ҳудудидан ташқарида. Россияга эса тахминан 10 кун ёки икки ҳафтадан сўнг боради.

64 ёшли актёрнинг Россияга ташрифининг мақсади ҳақидаги саволга унинг ёрдамчиси барча тафсилотларга Сигал манзилга етиб боргач аниқлик киритилишини айтди.

Аввалроқ Стивен Сигал унга Россия фуқаролиги берилгани учун ташаккур изҳор қилгани ҳақида хабар берилганди.