Тошкентдаги Қатортол кўчасининг Чўпонота кўчаси ва Кичик ҳалқа йўли («Шуҳрат» чорраҳаси) оралиғидаги қисмида футуристик руҳдаги пиёдалар йўлкаси пайдо бўлди. Унинг суратлари Facebook’даги «Молодая фотография Узбекистана» гуруҳида эълон қилинган.
Таъмирдан чиқарилган йўлкага анъанавий скамейкалар, урналар ўрнатилган. Бироқ йўлка бўйлаб ўрнатиб чиқилган ёриткичлар унга футуристик кайфият бағишлаган.
Йўлка ким, қайси ташкилот томонидан таъмирдан чиқарилгани маълум қилинмаган.
Бир гуруҳ фойдаланувчилар шаҳарнинг бошқа қисмларида ҳам шундай янгиликлар қилиш зарурлигини таъкидлаган бўлса, бошқа фойдаланувчилар бу чироқлар яхши ёритмаслигидан шикоят қилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)