Стивен Сигал унга Россия фуқаролиги тақдим этилгани учун миннатдорлик билдирди
Америкалик актёр Стивен Сигал унга Россия фуқаролиги берилгани учун ташаккур изҳор қилди. Бу ҳақда унинг агенти Анар Рейбанд маълум қилди, деб хабар беради «РБК».
«Мен АҚШ ва Россия энг яхши дўстлар ва иттифоқчилар бўлиши кераклигини ҳар доим айтганман. Атрофимиздаги муваффақиятсиз пропагандага қарамай, мен олдингидай бу ғояга содиқман ва мақсадга эришиш учун тинимсиз ишлашга тайёрман. Мен бу имконият учун жуда миннатдорман», — дейилади актёрнинг баёнотида.
«Отамнинг оиласи асосан Владивостокдан. Шу билан бирга, менинг оилам қисман Сибирдан, Санкт-Петербургдан ва ҳатто Беларусдан. Россияда ва собиқ Иттифоқ мамлакатларида кўплаб дўстларим ва қариндошларим бор. Россияни қаттиқ ҳурмат қиламан ва яхши кўраман. Она юртимни яхши кўргандай», — қўшимча қилди Сигал.
