«Манчестер Сити» футболчилари стадион туннелида Мессини ҳақоратлади

«Барселона» ҳужумчиси Лионель Месси «Манчестер Сити»га қарши (1:3) сафарда ўтказилган ЕЧЛ 4-туридан сўнг рақиб жамоа футболчилари томонидан ҳақоратланди, деб хабар бермоқда «Чемпионат».

Аргентиналик 29 ёшли форвард «Этихад» стадионининг туннели орқали кийиниш хонасига йўл олаётганида, «Манчестер Сити» футболчиларидан бирини аҳмоқ деб атади. Шундан сўнг «шаҳарликлар» аъзолари Мессини ҳақоратлади.

Мессининг Аргентина термасидаги шериги ҳамда «Манчестер Сити» ҳужумчиси Серхио Агуэро вазиятга аралашиб, футболчиларни ажратди.