Республика матбуот марказида сайлов тизими ривожланишига бағишланган семинар ўтказилди
Ўзбекистон Республикаси Президенти сайловини ёритиш бўйича Республика матбуот марказида Марказий сайлов комиссияси томонидан Тошкент давлат юридик университети билан ҳамкорликда миллий сайлов тизими ривожланиши масалаларига бағишланган семинар бўлиб ўтди. Бу ҳақда ЎзА хабар берди.
Семинарда Марказий сайлов комиссияси аъзолари, Тошкент давлат юридик университети ўқитувчи ва талабалари, ҳуқуқшунос олимлар, ОАВ вакиллари иштирок этди.
Семинарда сўзга чиққанлар мамлакатда ўтказилган сайловларда тўпланган амалий тажриба, халқаро сайлов стандартлари миллий сайлов қонунчилиги ривожланиб, такомилга етиб боришида муҳим омил бўлаётганини таъкидлади.
Тадбирда Ўзбекистон Республикаси Президенти сайловига тайёргарлик кўриш доирасида амалга оширилаётган ишлар, сайловларнинг жамият ҳаётида тутган ўрни ва аҳамияти, унда ҳар бир фуқаро учун кенг имкониятлар яратилганлиги ҳақида ҳам фикр юритилди.
