Дунёнинг энг яхши автомобили номига даъвогарлар эълон қилинди

World Car of the Year (WCOTY) танлови ташкилотчилари 2017 йилги дунёнинг энг яхши автомобили номига даъвогарлик қилаётган машиналарни эълон қилди. Асосий танловда 22 модель қатнашмоқда, деб хабар беради Motor.

WCOTY вакиллари «Йилнинг ваколатли машинаси/Йил спорткари» (13 модель) ҳамда «Йилнинг яшил автомобили» (11 модель) номинацияларига даъвогарларни ошкор этди. Бундан ташқари, танловда янги номинация пайдо бўлди. У «Шаҳар автомобили» (World Urban Car) деб аталади. Мазкур йўналишда саккиз модель ўзаро баҳслашади.

Танлов ҳакамлари сирасида 20 мамлакат вакили бўлмиш 70 автомобиль журналисти бор. Ғолиблар 2017 йил 17 апрелида Нью-Йорк автосалони доирасида эълон қилинади.

Охирги танлов ғолибига Mazda MX-5 айланган эди. Шунингдек, BMW энг яхши ваколатли машинаси, Audi R8 купеси энг яхши спорт машинаси, Toyota Mirai водородли модели йилнинг яшил автоси деб топилди. Энг яхши дизайн учун мукофотни яна ўша Mazda MX-5 қўлга киритди.