Футбол бўйича Англия Премьер-Лигасида 7-тур беллашувларига тўлиқ якун ясалди. Мазкур турнинг 1 октябрь куни бўлиб ўтган ўйинлари билан мана шу ҳавола ёрдамида танишиш мумкин.
2 октябрь куни Хосеп Гвардиола бошчилик қилаётган «Манчестер Сити» мавсумдаги илк мағлубиятини қабул қилиб олди. Бунга қадар ўтказилган олти турнинг барчасида зафар қучган «шаҳарликлар», 7-тур Лондонда мағлуб бўлди. «Тоттенҳэм»га қарши мағлубият йирик кўриниш олиши ҳам мумкин эди, агар Эрик Ламела 11 метрлик зарбани дарвозага аниқ йўллаганида.
«Тоттенҳэм» 7-турдан кейин мағлуб бўлмаган ягона жамоа бўлиб турибди. 17 очко жамғарган Маурисио Почеттино жамоаси турнир жадвалида «Сити»дан кейин иккинчи бўлиб турибди.
Арсен Венгер бошчилик қиладиган «Арсенал» сўнгги дақиқаларда 3 очкога эга чиқди. Ҳимоячи Лоран Коселнининг голи «тўпчилар»ни «Ливерпуль»дан олдинги ўринга олиб чиқди.
Чемпионлик учун курашиши таҳмин қилган «Манчестер Юнайтед» эса ўз майдонида «Сток Сити»ни енга олмади. Бунга қадар сўнгги ўринда бораётган «чилангарлар», «Олд Траффорд»даги 1 очкодан кейин бир поғона юқорилади. «Юнайтед»нинг аҳволи эса «Челси»ники билан деярли бир хил.
Англия Премьер-Лигаси 7-тур беллашувлари 2 октябрь, якшанба
«Манчестер Юнайтед» — «Сток Сити» 1:1
Голлар: Антони Марсиял, 69 (1:0). Жо Аллен, 83 (1:1).«Лестер» — «Саутгемптон» 0:0
«Тоттенҳэм» — «Манчестер Сити» 2:0
Голлар: Александар Коларов, 9-авт (1:0). Деле Алли, 37 (2:0).Ноаниқ пенальти: Эрик Ламела, 65 (Т).«Бёрнли» — «Арсенал» 0:1
Гол: Лоран Коселни, 90+3 (0:1).
Изоҳ (0)