Германия шарқидаги ҳайвонот боғидан иккита шер қочиб кетди

Германиянинг Лейпциг шаҳридаги ҳайвонот боғида сақланаётган икки шер тўсиқлардан ошиб ўтиб, озодликка чиқиб кетди. Бу ҳақда «Интерфакс» хабар бермоқда.

«Жонзотлар қандайдир йўл билан тўсиқлардан ошиб ўтган. Шундан сўнг ҳайвонот боғи ёпилди ва унинг ҳудудида бирорта ҳам ташрифчи қолмади», — деди ҳайвонот боғининг вакили Мария Зегебарт.

Айни дамда шерларнинг қаерда экани номаълум. Жонзотларни маҳаллий полиция ходимлари қидирмоқда.