Фаластин етакчиси Маҳмуд Аббос Исроилнинг собиқ президенти, яқинда оламдан ўтган Шимон Переснинг дафн маросимида иштирок этишга рухсат олиш учун сўров киритди. Бу ҳақда, «Гаарец» нашрига асосланиб, «Интерфакс» хабар бермоқда.
Айтилишича, сўров Исроил ҳукуматининг Фаластин ҳудудидаги хатти-ҳаракатлари координатори генерал майор Йоав Мордехайга йўлланган.
Аббосга Фаластин контрразведкаси раҳбари Мажид Фараж, Фаластинни озод қилиш ташкилоти бош котиби Соҳиб Эрекат ҳамда Фаластин маъмуриятининг фуқаролик ишлари бўйича вазири Ҳусайн ал-Шайх ҳамроҳлик қилиши кутилмоқда.
Изоҳ (0)