Бангладеш пойтахтидаги аэропорт ахлат қутисидан 3 килограмм олтин топилди

Бангладеш божхона хизмати мамлакат пойтахти Дакка аэропорти ҳожатхонасидаги ахлат қутисидан жами вазни уч килограмм бўлган ўнта олтин қуймасини топди. Бу ҳақда Dhaka Post газетаси маълум қилди, деб ёзади «ТАСС».

Божхона хизмати зимдан берилган хабар бўйича ҳаракат қилган ва қидирув бошлангандан бир соат ўтиб олтинни топган.

Полиция гумонланувчи контрабандачини видеокузатув камералари ёзувлари ёрдамида топишга уринмоқда.

Хабар беришларича, топилган барча олтин мамлакат марказий банкига топширилади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.