Қримнинг Симферополь шаҳри Киев туман суди 13 август куни бўлиб ўтган ёпиқ эшитувда республикада терактлар тайёрлашда айбланаётган Андрей Захтейни ҳибсга олиш ҳақида қарор чиқарди. Бу ҳақда «Ведомости» хабар бермоқда.
Бир кун муқаддам Украинанинг Запорожье вилоятида истиқомат қилувчи Евгений Панов ҳибсга олинган эди. Россия ТИВ баёнотида Захтей Панов билан бир қаторда терактларга алоқадорликда гумонланиб ушланганлар орасида тилга олинган эди.
Эслатиб ўтамиз, 10 август куни Россия Федерал хавфсизлик хизмати 6–8 август кунлари Украина разведкаси режалаштирган бир қатор терактлар ва диверсияларнинг олди олингани, кўплаб жангарилар қўлга олингани, ярим оролда Қрим фойдасига ишлаётган агентлик тармоғи фош этилганини маълум қилди. Украина томони тез орада бу айбловларни инкор этди.
Изоҳ (0)