Рио-де-Жанейрода журналистлар автобуси ўққа тутилди

Рио-де-Жанейрода Олимпиада ўйинларини ёритувчи журналистлар автобусининг ўққа тутилиши оқибатида икки киши жабрланди. Бу ҳақда «РИА Новости» хабар бермоқда.

Ҳодиса автобус шосседа ҳаракатланиб кетаётганда содир бўлди. Йўловчиларнинг айтишича, улар ўқ узилган овозларни эшитди.

«Бизга қарата ўз узилди. Айтмоқчиманки, бизга ўқ узилгани ҳақида эшитдик», – деди спорт таҳририятининг мухбирларидан бири, АҚШ ҲҲКнинг собиқ капитани Шэрил Майклсон.

Ҳодиса оқибатида автобус ойналари синди, икки киши енгил жароҳат олди.