Рио-де-Жанейро Олимпиадасининг 91 килограммгача бўлган боксчилар ўртасидаги мусобақасида Ўзбекистон шарафини ҳимоя қилаётган Рустам Тўлаганов ярим финал йўлланмаси учун озарбайжонлик Абдуқодир Абдуллаевга қарши рингга кўтарилди.
Жангнинг биринчи раунди озарбайжонлик спортчи фойдасига ҳал бўлди. Иккинчи раундда ўзига келиб олган Рустам Тўлаганов, уни муваффақиятли якунлади. Ҳал қилувчи раундда эса Тўлаганов рақибидан яна бир бор устунлик қилиб, ярим финалга йўлланма олди.
Бу Ўзбекистон делегацияси яна битта медаль билан бойиганини билдиради. Рустам энг камида бронза медалини қўлга киритади. Унда олтин медаль учун кураш олиб бориш имконияти сақланиб турибди.
Рустам Тўлаганов 1/8 финалда эквадорлик Жулио Сезар Кастильога қарши жанг қилиб, учала раундни ҳам ўз фойдасига ҳал қилганди.
Ярим финалда Рустам Тўлаганов россиялик Евгений Тишенко билан жанг қилади. Тишенко бунга қадар бразилиялик Жуан Ногейра ва италиялик Клементе Руссони турнирдан чиқариб юборганди. Унинг ўзбекистонлик боксчига қарши жанги 13 август куни бўлиб ўтади.
Изоҳ (0)