Рио–2016 Олимпиада ўйинларининг очилиш маросимини турли мамлакатларда жами 3 миллиардга яқин киши томоша қилади. Бу ҳақда CNN’га таяниб, «Интерфакс» хабар бермоқда.
Очилиш маросими «Маракана» стадионида 5 август (Тошкент вақти билан 6 августга ўтар кечаси 04:00)да бўлиб ўтади. Маросимда кўплаб Бразилия мусиқаси ва рақслари бўлади, шунингдек, 12 ёшли рэпер ҳамда Бразилиянинг энг машҳур хонандаларидан Жилберту Жила ва Каэтану Велозу иштирок этади.
Очилиш маросимининг ташкилотчиларидан бири Фернанду Мейреллишнинг маълум қилишича, Бразилия инқирозни бошдан кечираётгани учун Олимпиада ва Паралимпия ўйинларининг очилиш ва ёпилиш маросимига бюджет чекланган бўлди.
Эслатиб ўтамиз, Рио–2016 Олимпиада ўйинлари 5–21 август кунлари бўлиб ўтади.
Изоҳ (0)