Эрондаги яшил кўл қизил тусга кирди
Эрондаги Умрия кўли қисқа муддат ичида яшил рангдан қизил тусга кирди. NASA агентлиги кўлнинг ранги ўзгарган суратларини тақдим қилди, деб хабар бермоқда «Вести.ru».
Умрия ҳар йили ўз рангини ўзгартиради. Ҳавзанинг ўз тусини ўзгартиришига унинг ичида яшовчи микроорганизмлар сабабчи. Сўнгги 10 йил ичида саёзлашиб кетаётган кўл ҳар йили баҳорда тоғ суви билан тўлдирилади. Ёзда сув сатҳи камаяди, натижада унинг таркибидаги туз моддаси кўпаяди.
Гидробиологларнинг фикрича, кўлда бир ҳужайрали сув ўтлари ўсиши сабабли Умрия қизил рангга «беланади». Улар аввал яшил бўлади, аммо туз миқдорининг ошиб кетиши оқибатида улар қизил рангга киради. Бошқа версияга кўра, кўлнинг рангига қизил пигмент ажратувчи галобактериялар таъсир қилади.
Олимларнинг фикрига кўра, яқин йиллар ичида Эроннинг машҳур кўли «яшиллигини» йўқотиб, тарихга қизил кўл сифатида киради. Бу нарса кўл жойлашган ҳудудда ёз фасли йил сайин қуруқроқ бўлаётгани ва бунинг натижасида янги сув келишининг камайиши билан боғлиқ.
