Россия федерал божхона хизмати бошлиғи Андрей Бельянинов ўз лавозимидан четлаштирилди

Россия федерал божхона хизмати бошлиғи Андрей Бельянинов ўз лавозимидан четлаштирилди. Бу ҳақда «Газета.ru» ҳукумат сайтига таянган ҳолда хабар бермоқда.

Хабарда қайд этилишича, бош вазир Дмитрий Медведев Бельяниновнинг лавозимидан озод этилиши ҳақидаги фармойишни имзолади.

«Бельянинов Андрей Юрьевич Федерал божхона хизмати раҳбари лавозимидан ўз илтимосига кўра озод этилсин», – дейилади фармойишди.

26 июль куни ОАВлар федерал божхона хизмати бошлиғи истеъфо сўраб ариза ёзгани ҳақида маълум қилганди. Шу куннинг ўзида алкоголь маҳсулотларини ноқонуний равишда катта партияларда тегишли тўловларсиз Божхона иттифоқи чегараси орқали олиб кирилиши бўйича тергов иши юзасидан Бельяниновнинг уйида тинтув ўтказилди.