Арманистон пойтахти Ереван шаҳридаги полиция патруль-пост хизмати полки биносини қўлга олган қуролланган гуруҳнинг икки аъзоси полицияга таслим бўлди. Бу ҳақда мамлакат полицияси матбуот котиби Ашот Агаронян Facebook’даги саҳифасида маълум қилди, деб хабар бермоқда «Газета.ru».
«Қуролланган гуруҳ аъзолари Гагик Егиазарян ва Арам Акопян ҳуқуқ-тартибот ходимларига таслим бўлди. Шунингдек, отишма бўлиб ўтди ва унинг натижасида бир нафар полициячи ҳамда гуруҳ аъзолари Павел Манукян ва унинг ўғли Арам яраланди», – деб ёзди Агаронян.
Қайд этилишича, барча жароҳатланганлар шифохонага ётқизилди.