Халқаро олимпия қўмитаси (ХОҚ) Россия терма жамоасининг Рио-де-Жанейродаги Олимпиада ўйинларидаги иштироки учун спортчилар муайян талабларни бажариши лозимлигини маълум қилди. Талабларнинг бажарилишини тегишли халқаро федерациялар белгилайди. Ушбу қарор ХОҚ Ижроқўмининг Лозаннадаги штаб-квартирада бўлиб ўтган видеоконференцияси якунларига кўра қабул қилинди, деб хабар беради «Интерфакс».

Илгари маълум қилинганидек, ХОҚ Россиянинг иштирокини тақиқлаш юзасидан қарор қабул қилишдан бош тортди ва бу ҳуқуқни халқаро спорт федерацияларига топширди.

«ХОҚ тегишли ҳужжатда кўрсатилган талабларга жавоб бермаган бирорта россиялик спортчини Рио–2016 Олимпия ўйинларига яқинлаштирмайди», — дейилади Ижроқўм хабарномасида.

«ХОҚ талабномани фақатгина атлет тегишли халқаро федерацияни қониқтирадиган далилларни келтирган тақдирдагина қабул қилади», — қўшимча қилиб ўтди иштирокчилар.

ХОҚ қарорига кўра, Россия Олимпия термасининг барча аъзолари қўшимча допинг текширувидан ўтади. Ундан ўта олмаганлар ХОҚ аккредитациясидан маҳрум бўлади.

«Ҳар бир россиялик атлетга рухсатнома берилиши тест дастурига мувофиқ равишда тегишли халқаро федерация ҳамда WADA билан координацияда қатъий назорат остига олинади», — дейилади қарор матнида.