Таиланд валиаҳд шаҳзодаси Маха Вачиралонгкорн Мюнхен аэропортига енгсиз калта кўйлак (майка)да, қўлида оқ пуделни ушлаган ҳолда ташриф буюрди. Бу ҳақда «Корреспондент.net» хабар бермоқда.
63 ёшли тахт вориси Boeing 737 трапидан жинси шим ва майкада, танасидаги татуировкаларни намойиш қилган ҳолда пастга тушди. Валиаҳд шаҳзодага ўзи сингари тор жинси ва енгсиз кўйлакда келган турмуш ўртоғи ҳамда 30 нафар соқчи ҳамроҳлик қилди.
Қайд этилишича, Маха Вачиралонгкорн Бавариядаги Штарнберг кўлида ҳисоб бўйича учинчи турмуш ўртоғига вилла харид қилган.
Таиланд валиаҳд шаҳзодаси муҳташам ҳаёт тарзини олиб боргани ва унинг сарф-харажатлари мамлакат ғазнасидан тўланиши сабаб у ўз юртида шуҳрат қозонмаган.