Перуда бир кунда икки турист селфи тушаман деб ҳалок бўлди

Перунинг икки минтақасида бир кун ичида икки турист селфи тушаман деб ҳалок бўлди. Бу ҳақда South China Morning Post хабар бермоқда.

Мамлакат шимоли-шарқидаги Бонгара провинциясида 28 ёшли кореялик турист дунёдаги энг баланд шаршаралардан бири бўлган Гокта фонида селфи тушаман деб 500 метр баландликдан қулади. Воқеа 29 июнь куни содир бўлди, унинг танаси эса 4 июль куни шу ердаги кўл тубидан, етти метр чуқурликдан топилди.

Ўша куни 51 ёшли германиялик сайёҳ тоғ чўққисида жойлашган қадимги Мачу-Пикчу шаҳрида селфи тушиш пайтида ҳалок бўлди. Эркак қияликка жуда яқин келиб, ўзини сакраган ҳолда фотосуратда қайд этишга уринди. Лекин у сакраш чоғида мувозанатни йўқотиб, жарликка қулади.