Экваториал Гвинея билан ўйин учун паспорт ёрдамисиз сотиб олинган чипталар паспорт маълумотлари билан қайтиб олинади

Ўзбекистон Футбол Федерацияси миллий терма жамоанинг Экваториал Гвинеяга қарши ўртоқлик ўйини учун сотилган чипталарни қайтариб олади. Бу ҳақда ташкилот расмий сайти хабар берди.

Бунинг учун чипта сотиб олишга улгурган футбол мухлислари аввалига банк номига ариза ёзиши, кейин эса далолатнома тузишда иштирок этиши, сотиб олган чиптасини қайтариши ва албатта прописка маълумотини кўрсатгани ҳолда паспорт нусхасини тақдим этиши керак бўлади.

ЎФФ расмий сайти сотиб олинган чипталар пули қай тартибда қайтарилишига ойдинлик киритмаган. Бироқ 2 июнь кунги учрашув қолдирилгани ҳақидаги хабарида ЎФФ сотилган чипталарни қайтариб олиш масъулиятини ўз бўйнига олиши маълум қилинган. Қайд этиш керак, Ўзбекистон ва Экваториал Гвинея терма жамоалари ўртасидаги ўйин чипталари 28 май кунидан бошлаб сотувга чиқарилган бўлиб, 31 май куни учрашувнинг ўзи бекор қилинди.

Чипталар сотувга чиқарилгани ҳақидаги хабарда унинг барча категориялар учун 15 минг сўмдан, CIP категория учун эса 30 минг сўмдан сотилаётгани кўрсатиб ўтилган бўлиб, уни ҳарид қилиш учун паспорт маълумотлари сўралмаганди. Чипта пулини қайтиб олишда эса қуйидаги маълумотлар талаб қилинди:

1. Хизмат кўрсатувчи банкнинг транзит ҳисоб рақами (Банкнинг МФО коди ва СТИРи) кўрсатилган ҳолда ўрнатилган тартибда ариза ёзилади.
2. Чиптани қайтиб олиш ҳақида далолатнома тузилади. Далолатнома «Бунёдкор» стадиони маъмурияти томонидан тайёрланади;
3. Прописка маълумотлари кўрсатилгани ҳолда паспорт нусхасини тақдим этилади;
4. Сотиб олинган ўйин чиптаси тақдим этилиши керак.

• «Бунёдкор» стадионининг сиғими, олиб-сотарлар ва қалбакилаштириб бўлмас чипталар ҳақида