Америкалик актёр, бодибилдер ва сиёсатчи Арнольд Шварценеггернинг филдан қочиши акс этган видеолавҳа Instagram’да чинакам хитга айланди, деб хабар беради «Корреспондент.net».
Африкада уюштирилган сафари чоғида таниқли актёрга фил ҳужум қилди. Видеолавҳада акс этишича, фил жойидан силжиган машинанинг ортидан югуриб, унга яқинлашади ва кадрга тушиб қолади. Филнинг таъқиби бир неча сония давом этади, холос, шундан сўнг машина жадаллаб кетади.
Видеолавҳани Шварценеггернинг ўзи Instagram’даги саҳифасига жойлаштирди. Бир сутка ичида роликни 350 минг фойдаланувчи томоша қилишга улгурди.
Изоҳ (0)